300 compañías asistirán á Gamescom de Colonia

mércores, 24 de xuño do 2009 Marcus Fernández

Este verán a Games Convention de Leipzig pasaralle o relevo á Gamescom de Colonia como feira de videoxogos europea de referenza, que terá lugar entre os días 19 e 23 de agosto, e apunta maneiras, pois xa confirmaron a súa asistencia 300 compañías entre as que non faltan Capcom, EA, Namco Bandai, SEGA, Sony, Blizzard, Square Enix, Take Two, Funcom, Koch Media, Nintendo, Warner Bros ou Ubisoft.
A Gamescom servirá coma punto de encontro para xogadores e profesionais da industria, e servirá coma escaparate das últimas novidades do sector dos videoxogos nos máis de 120.000 m2 nos que se repartirán os distintos expositores e incluso contará con espazos para o modding de PC, novidades do mundo do hardware e incluso un concurso de cosplay.

PUBLICIDADE