A AMTEGA notifica á Comisión Europea o seu plan de mellora de cobertura móbil
luns, 4 de maio do 2020
A
Axencia para a Modernización Tecnolóxica de Galicia (axencia
AMTEGA) deu estes días un novo paso para garantir a mellor cobertura
móbil posíbel nas áreas illadas, notificándolle á Comisión
Europea a súa iniciativa autonómica para tal fin e solicitándolle
que se fixen mínimos de calidade nos servizos de telefonía móbil.
Segundo
informou AMTEGA, este trámite dá continuidade ao intercambio de
información levado a cabo nos últimos meses para acadar a
aprobación previa por parte da Comisión Europea e así poder
levar a cabo os investimentos públicos previstos para a mellora das
redes de telefonía móbil nas zonas rurais.
94
concellos
Un
total de 94 concellos do ámbito rural solicitaron a súa adhesión á
iniciativa autonómica para mellorar as comunicacións móbiles no
rural, lanzada a finais de 2019 e que conta cun investimento de ata 5
M€. Para participar no plan as entidades locais debían incluír na
solicitude a cesión dun terreo axeitado para a instalación das
infraestruturas de telecomunicación e o compromiso de abordar a
acometida eléctrica, para o que poderán solicitar unha axuda máxima
de 30.000€.
Unha
vez se levanten as restricións derivadas do Estado de Elarma, a
Administración autonómica, en colaboración co Colexio de Enxeñaría
de Telecomunicacións de Galicia (COETG) validará as zonas con
deficiencias de cobertura trasladadas polos concellos e,
conxuntamente co operador público galego RETEGAL, visitarase e
comprobarase a idoneidade das parcelas indicadas polas entidades
locais, creando así un mapa de zonas de actuación.
Aqueles
concellos que cumpran cos requisitos, carecer de cobertura e poñer e
dispoñer dos terreos adecuados, integraranse nun proxecto, que se
desenvolverá a través dunha encomenda ao operador publico RETEGAL
para a construción das torres e dunha convocatoria publica a
operadores en concorrencia competitiva.
Esixencia
a Europa duns mínimos de calidade
Así
mesmo, co “obxectivo de garantir que as redes móbiles presten un
servizo de calidade”, a AMTEGA vén de remitir á ORECE, organismo
europeo que se encarga de regular as telecomunicacións na Unión
Europea, as consideracións da administración galega respecto da
necesidade de fixar uns mínimos de calidade do servizo que se preste
por parte das redes móbiles.
A
ORECE realizou unha consulta pública sobre os criterios que deben
cumprir as redes para ser consideradas de moi alta capacidade. O
documento presentado polo regulador europeo desbotaba impoñer
condicións en determinados supostos sobre a calidade do servizo das
redes móbiles. Sobre este punto, a axencia galega mostrou a súa
disconformidade, “entendendo que para que as redes móbiles poidan
considerarse de moi alta capacidade deben prestar un servizo que
satisfaga as necesidades dos usuarios”. Por este motivo e co
obxectivo “de que se teñan en conta as necesidades dos galegos e
galegas no que aos servizos de telefonía móbil se refire”, a
Amtega solicitoulle que modifique a súa proposta para incluír
esixencias de calidade de servizo ás redes móbiles de moi alta
capacidade.