A Aula CEMIT de Ribeira promove durante este Nadal dous cursos para a rapazada

A Aula CeMIT de Ribeira vai dar cabida durante estas festas de Nadal dous cursos destinados á rapazada, ambos entre os días 26 de decembro e o 5 de xaneiro. O primeiro deles, titulado Iníciate na informática, está dirixido a nenos e nenas de 7 a 10 anos e celebrarase entre as 10 e as 11.30 horas. Nel os asistentes poderán aprender a navegar por Internet, animar as súas fotos, escribir ou debuxar a través dun ordenador.
O segundo, que se celebra de 12 a 13.30 horas, terá por título Inicio á edición de vídeo e terá como usuarios a rapaces e rapazas de 11 a 15 anos, que aprenderán a montar un vídeo con Kdenlive.
As inscricións, gratuítas, abrirán o vindeiro luns 12 de decembro, podéndose formalizar en liña a través da web da aula.