A Beta multixogador de Resistance 3 abrirase o 10 de agosto aos usuarios de PlayStation Plus

xoves, 28 de xullo do 2011 Marcus Fernández

O 8 de setembro chegará ás tendas o xogo exclusivo para PlayStation 3 Resistance 3, pero os máis impacientes poderán acceder ao seu modo competitivo multi-xogador en liña a partir do 10 de agosto, cando abrirase de xeito público a súa Beta, aínda que cómpre destacar que para os usuarios de PlayStation Plus terán prioridade para acceder á fase de probas do último título de Insomniac Games.
Dende Sony aseguran que os usuarios que non estean abonados a PlayStation Plus tamén poderán acceder á fase de proba do modo multixogador de Resistance 3, para o que deberán estar pendentes ás distintas posibilidades que xurdirán para poder gozar de xeito anticipado dun dos xogos estrela de PS3 en 2011.
A Beta de Resistance 3 incluirá 2 dos mapas máis grandes do xogo (as marismas de Glamoran e os campos de adestramento de Bototá), 2 dos 5 modos dispoñibles (Team Deathmach e Chain Reaction), melloras dos personaxes conseguindo armas e desenvolvendo habilidades, personalización de listados e desbloqueo de novas aparencias. O nivel de xogo está configurado en 20, para non ser posible conseguir todo o rango de habilidades, modos, mapas e armas ata o lanzamento do xogo en setembro, pero que servirá como un completo primeiro prato.

PUBLICIDADE