A Cámara de Santiago móstranos como preparar as nosas campañas publicitarias online de Nadal
luns, 5 de decembro do 2022
A
Cámara de Comercio de Santiago vai organizar este mes unha
iniciativa que facilita ás pemes e aos profesionais recursos para
abordar estratexias de mercadotecnia axeitadas nestas festas do
remate do ano. A
xornada Como preparar as túas campañas publicitarias online para
Nadal? será impartido por un dos grandes expertos da nosa
terra en materia de nova comunicación e transformación: Javier
Rocamora. Incluirá a presentación (a cargo de Anselmo DÃaz Romero)
do programa Oficina Acelera PEME, de Red.es, do que forma parte esta
xornada. Celebrarase o 14 de decembro en horario de 10.00 a 11.30
horas.
Os
contidos son os seguintes: campañas de publicidade online
(plataformas e tipoloxÃa de anuncios), definición do target
(público obxectivo) da campaña, particularidades da campaña de
Nadal, publicidade online nas redes sociais (como estruturar
unha campaña, cuestións e trucos para incrementar o rendemento da
campaña), publicidade en liña (como estruturar unha campaña básica
de anuncios de texto, optimización das palabras chave e os textos da
publicidade) e principios básicos de uso de ferramentas de
comparación de artigos.
O
relator será como dixemos Javier Rocamora GarcÃa, consultor
autónomo especializado e con dilatada experiencia en mercadotecnia
dixital, xestión de redes sociais e comercio electrónico desde
2008, operando baixo a marca comercial As 3 en Punto.
Esta
xornada está organizada pola Oficina Acelera PEME da Cámara de
Comercio de Santiago de Compostela que se inclúe en Programa
Operativo Plurirrerional de España FEDER 2014-2020 (POPE),
co-financiado polo Fondo Europeo de Desenvolvemento Rexional (FEDER)
e pola Entidade Pública Empresarial Red.es.