A Cámara de Santiago organiza obradoiros de ecommerce e redes sociais

A Cámara de Comercio de Santiago programa catro obradoiros formativos para este primeiro semestre do ano. As actividades, de balde e de 15 horas de duración, enmárcanse no eixo do programa de actuación 2020 - 2021 da Rede Eusumo, unha rede de colaboración impulsada pola Secretaría Xeral de Emprego da Xunta de Galicia para o fomento do cooperativismo e a economía.
Os días 4, 5, 6, 11 e 12 de maio celebrarse o taller Xestión de Conflitos nas Empresas de Economía Social. O obxectivo principal é achegar coñecementos e claves para a creación dunha estratexia empresarial valida e adaptada ás características básicas da empresas denominadas de economía social. Tratarase de atopar os problemas, tomar as decisións correspondentes, elixir obxectivos, determinar estilos de traballo, descubrir o carácter das persoas, etc. En definitiva, de aprender a manexar conflitos.
Durante os días 15, 16, 17, 22 e 23 de xuño, terá lugar o taller Entornos de Traballo Colaborativos e Repercusión na Empresa Social. A actividade contará cos coñecementos e claves efectivas para a adecuada xestión empresarial dentro da economía social, pero tamén analizará a perspectiva da dixitalización empresarial, que permite que a colaboración se estenda en múltiples aspectos.
Por último, os talleres de Comercio Electrónico e Redes Sociais desenvolverase nos meses de marzo e abril. Todos os interesados, deberán inscribirse na web da Cámara de Santiago de Compostela ou chamar ao 981 59 68 00.