A Deputación de Lugo e o Foro Maruxa Mallo converten os faladoiros feministas en ciberfaladoiros
xoves, 22 de outubro do 2020
Os
Faladoiros
Feministas, organizados pola Deputación de Lugo e o Foro Feminista
Maruxa Mallo, retómanse de novo este venres 23 de outubro
transformados en sesións virtuais de comunicación e de debate
interactivo: convertidos en
Ciberfaladoiros. O obxectivo desta nova andaina (unha
adaptación plena á nova normalidade, ampliando audiencias a través
da Rede) segue a ser o mesmo que alentou a iniciativa orixinal, pero
reforzado polas posibilidades comunicativas da Internet: xerar debate
sobre óptica da igualdade, implicando á veciñanza dos concellos da
provincia.
O
primeiro Ciberfaladoiro Feminista, que quedara aprazado no mes de
marzo pola declaración do Estado de Alarma, abordará a temática do
feminismo e a maternidade e estará dirixido pola xurista e activista
Marta Busquets.
Entre
os puntos que está previsto abordar neste encontro dixital están os
seguintes: a conciliación; o embarazo; o parto; a crianza; a
maternidade como feito social, económico e polÃtico; e as
repercusións de decidir ser nais ou non, entre outros. Marta
Busquets é licenciada en Dereito e especializouse en Dereito
sanitario, centrado nos dereitos sexuais e reprodutivos das mulleres,
asà como no Dereito en relación coa lactancia e a maternidade.
A
retransmisión será online a través da canle de YouTube de
Nomenklaturas Gestión Cultural e a participación farase a
través de Whatsapp no seguinte número de teléfono: 690.117.254.
Programación
A
Deputación de Lugo, xunto co Foro Feminista Maruxa Mallo, continúan
impulsando esta iniciativa que ten como obxectivo conectar o
feminismo coa veciñanza da provincia de Lugo, propoñendo
alternativas para situacións derivadas da estrutura social
patriarcal, empoderar ás mulleres e loitar contra as violencias
machistas. A institución provincial colabora cunha achega de máis
de 13.000 euros e tamén coa difusión a través de redes sociais e
dos Servizos Audiovisuais provinciais.
Os
Ciberfaladoiros continuarán o 20 de novembro con Carmen Castro,
especialista en PolÃticas Europeas de Xénero e en Estratexia de
Mainstreaming de xénero, ademais de experta internacional en
Igualdade de Xénero e empoderamento das mulleres na Administración
Pública.
O
seguinte Ciberfaladoiro será o 27 de novembro. Será un encontro no
que Mabel Lozano presentará por primeira vez en Galicia o seu novo
libro PornoXplotación. Mabel Lozano é guionista e directora
de cinema e desenvólvese como unha voceira contra a trata e a
explotación sexual. É autora de varios libros, como El Proxeneta
e o que presentará nos Ciberfaladoiros.