A Deputación de Pontevedra achega 5 obradoiros dentro do programa SmartPEME
luns, 5 de xuño do 2023
Será ao longo desta semana cando teñan lugar cinco
novas accións formativas dentro do programa SmartPEME de
asesoramento tecnolóxico para pequenas e medianas empresas e persoas
autónomas da Deputación da Pontevedra. Os ditos
obradoiros, que se celebrarán de xeito telemático e presencial,
xirarán arredor de ciberseguridade e uso da VPN, fabricación
dixital, debuxo 3D con Onshape V–Assembly I, campañas de
mercadotecnia con influencers, promoción a través de Pinterest e
mellora da reputación en liña dun establecemento turÃstico.
Indo aos obradoiros, este luns 5 de xuño, as 10h inaugurábanse con:
Ciberseguridade, uso da VPN, co obxectivo de fomentar a
utilización da VPN coñecendo os seus beneficios e o seu
funcionamento. No taller telemático abordarase o seu uso, cales son
as opcións gratuÃtas e como se configura. O experto universitario
en robótica, programación e impresión 3D Manuel Freire será o
encargado de impartir a formación.
Mañá, martes 6 de xuño terá lugar o obradoiro Fabricación
dixital. Debuxo 3D con Onshape V – Assembly I, que consta dun
itinerario formativo dividido nunha primeira parte teórica en liña
e unha segunda parte presencial, con prácticas no Fab Lab do Centro
Provincial de EconomÃa Dixital no Viveiro de Empresas de Barro
(Pontevedra). Aquelas persoas que participen formaranse de xeito
teórico no manexo de debuxo 3D con Onshape (16h), impresoras 3D de
filamento (8h), impresoras 3D de resina e escáner 3D (2h). As
prácticas consisten no uso de impresoras 3D filamento (8 h),
impresoras 3D resina (8 h) e escaneo 3D (4 h). Manuel Freire será de
novo o docente encargado da formación.
O mércores 7 de xuño, as 12h comeza o taller Como facer campañas
de márketing con influencers, que abordará aspectos como: en
que consiste, as plataformas que se empregan, os tipos de
influencers, os beneficios que achegan este tipo de campañas e os
consellos para mellorar a súa efectividade. Laura Carrera, graduada
en Publicidade e Relacións Públicas, experta en dirección en
comunicación corporativa e con ampla experiencia en comunicación e
en mercadotecnia dixital, será a encargada de impartir a formación.
O xoves 8 de xuño realizaranse dous obradoiros telemáticos. Pola
mañá, as 12h, Esther Garcinuño, diplomada en Ciencias
Empresariais, coa especialidade de márketing e dirección comercial,
con 8 anos de experiencia en deseño, desenvolvemento e dirección de
proxectos web, impartirá Aprende a promocionar a túa empresa con
Pinterest, a través do cal as e os participantes poderán tirar
o máximo proveito a esta rede social. Pola tarde, ás 17h, Sonia
Torres, técnica de Empresas e Actividades TurÃsticas con
experiencia en dinamización e formación turÃstica, será a
encargada de explicar Como mellorar a reputación online do teu
establecemento turÃstico, familiarizando ás persoas
participantes cos portais de opinión, as ferramentas de
monitorización e técnicas de mercadotecnia para que resulte
beneficioso para a empresa.