A ETSE da USC celebrará a I Xornada de Seguridade o vindeiro 15 de decembro
luns, 21 de novembro do 2011
- Imaxe dun Fiadeiro de Software Libre que tamén tivo lugar na ETSE da USC
Para facilitar o contacto co mundo da seguridade informática
a través de profesionais do mesmo, a Asociación GEISER organizada a I Xornada de Seguridade, que terá lugar
o vindeiro 15 de decembro na Escola Técnica
Superior de Enxeñaría da Universidade de Santiago de Compostela, con
relatorios no Salón de Actos da Escola e un obradoiro na Aula i1. Durante a
Xornada distintos profesionais darán a coñecer, a través das súas experiencias,
o traballo que desenvolven para frear as ameazas informáticas, amosando tamén a
outra cara da moeda (o métodos empregados para lanzar os temidos ataques).
O programa da Xornada é como segue:
10:00 – Apertura
10:30 – Funcións e arquitectura de seguridade na USC – Relatorio impartido por José Antonio Pizarro Bedoya, responsable da Unidade de Seguridade da Área TIC da USC
11:30 – Obradoiro: Flu e outras mozas do montón – Responsables do Flu Project ilustrarán
sobre o funcionamento do troiano Flu en Windows e Android, así como outras técnicas de hackeo como Man in the Middle e hijacking.
16:00 – Inteco-CERT – Javier Berciano Alonso, coordinador do CERT de Inteco e Valentín Gutiérrez Boquete, falarán da súa experiencia no CERT.
17:30 – Delitos na Rede. Anatomía dunha extorsión. Introdución á análise forense informática – Relatorio de Pedro Sánchez, consultor de seguridade de Honeynet e autor do blog
ConexiónInversa.
Os relatorios serán de acceso libre (sen rexistro pevio),
mentres que o obradoiro está limitado a 32 prazas e terá un custo de 20 euros.