A Guarda, Salceda, Moaña e A Illa avanzan en eAdministración
martes, 19 de novembro do 2019
Esta
semana a
Deputación de Pontevedra vai seguir estendendo a súa formación en
eAdministración a outros catro concellos da provincia: A Guarda,
Salceda de Caselas, Moaña e A Illa de Arousa. O obxectivo desta
programación é dar a coñecer as principais funcionalidades e
transformacións máis relevantes da plataforma Gestiona da
institución provincial, desenvolvida por Auloce e dirixida, no caso
de Pontevedra, a integrar nas ferramentas dixitais máis avanzadas os
concellos de menos de 50.000 habitantes. Recentemente
impulsouse a ferramenta en Cambados, Ponte Caldelas, Tomiño, Baiona,
Meaño, Vila de Cruces, A Cañiza e Poio.
En
concreto, este luns 18 de novembro a acción formativa terá lugar na
Guarda; o martes 19 será a quenda do concello de Salceda de Caselas;
o xoves 21 chegan as xornadas a Moaña; e, por último, o venres 22
recibirá a formación o concello da Illa de Arousa. A través das
sesións formativas a institución provincial vai dotar de
ferramentas e de información sobre a Administración Electrónica
aos novos equipos de goberno. Nelas darase a coñecer os diferentes
libros de rexistro de entrada e saÃda, a utilización do xestor de
expedientes, o acceso ás diferentes convocatorias na aplicación de
órganos colexiados, activar as sinaturas electrónicas na nube e no
móbil, consultar o rexistro e expedientes, visualizar os libros de
actas, consultar experiencias ou presentar mocións e preguntas.
En
total, este novo plan de formación vai beneficiar a 53 concellos da
provincia adheridos ao proxecto. No que respecta aos 23 concellos de
menos de 5.000 habitantes, as accións formativas terán lugar nas
dependencias da Deputación os dÃas 27, 28 e 29 de novembro.