A Intelixencia Artificial posta en xogo por R reduce nun 10% os custos das empresas
xoves, 12 de novembro do 2020
A
operadora galega R vén de facer balance do seu traballo recente en
materia de Intelixencia Artificial, un ámbito de innovación que
está cada vez máis presente nas nosas empresas, firmas de todos os
tamaños, e así o testemuña a compañía de cable co seguinte dato:
no que levamos de ano en Galicia as empresas que despregaron
proxectos de Intelixencia Artificial xa no son só as grandes (firmas
con máis de 250 traballadores) senón tamén medianas e pequenas.
R
recorda no seu balance que a día de hoxe traballa con arredor de 300
entidades da nosa terra dos máis diversos sectores (financeiro,
industrial, consumo ao por menor, etc) contribuíndo a mellorar a súa
relación coa clientela, a previsión de demanda e a xestión de
mercadorías a través dos máis avanzados sistemas intelixentes. En
concreto, a través de recursos como Bai Analytics, foi quen de
reducir en máis dun 10% os custos xerais dos negocios aos que
fornece de tecnoloxías IA.
R
lembra que a listaxe de beneficios que podemos obter con estas
ferramentas é extensa e verase ampliada en datas vindeiras con novas
vantaxes e posibilidades, por exemplo á hora de anticiparnos ao
fallo dunha máquina e evitalo antes de que se produza ou á hora de
predicir subas ou descensos na demanda dos produtos ou servizos que
as empresas ofrecen (axustando en cada momento tanto os bens
materiais como os humanos ás necesidades reais do mercado).
Ademais,
lembra R, “a Intelixencia Artificial é aplicábel a practicamente
todos os sectores de actividade, dende o financeiro, onde pode
predicir o risco de falta de pagamento dun préstamo, ao de seguros,
ao detectar fraudes ou reclamacións falsas”. Así mesmo, no sector
inmobiliario axuda a establecer o prezo de venda idóneo dunha
vivenda ou a identificar signos dunha determinada doenza no sector
sanitario.
R
asesora as empresas para facer fronte aos problemas máis comúns: a
redución do tempo necesario para despregar os proxectos, a correcta
monitoraxe dos modelos e a elección do proxecto de Intelixencia
Artificial máis adecuado.
Bai
Analytics
Ignacio
Vilaplana, responsábel de Intelixencia Artificial de R e do Grupo
Euskaltel, detalla deste xeito o enfoque da IA no Grupo. “A nivel
interno, traballamos na normalización do uso destes sistemas. Somos
un equipo pequeno, mais traballamos de forma transversal e
involucramos todas as áreas da organización. Deste xeito,
conseguimos unha mellora na toma de decisións para mellorar a
experiencia do/da cliente/a. O noso traballo consiste en involucrar
os equipos para que confíen e coñezan as predicións que posibilita
a IA mediante modelos preditivos que impactan de xeito favorábel no
negocio”. A nivel externo, BAI Analytics é o instrumento que R pon
a disposición das empresas para que accedan a esta tecnoloxía e
acometan proxectos a curto prazo e con menos investimentos.