A PS3 estrea servizo de vídeos musicais

xoves, 11 de xuño do 2009 Marcus Fernández

Esta tarde Sony estreou a súa canle de vídeo musicais baixo demanda para a PlayStation 3, VidZone, que conta con dez milleiros de pezas de vídeo (duns 4.000 artistas) ás que se pode acceder tras descargar de balde a aplicación de VidZone da PlayStation Store, aínda que polo momento só está dispoñible para Reino Unido, Irlanda, Francia, Italia, Alemaña, España e Australia.
O novo servizo permite crear múltiples listaxes de reprodución, mercar vídeos para pasalos ao móbil e algún detalle adicional do que aínda se sabe pouco en boa medida porque o sistema parece estar a ter problemas para funcionar axeitadamente, o que parece estar a converterse nun costume en todos os lanzamentos de produtos en liña, que habitualmente vense superados pola demanda dos usuarios nos primeiros momentos.

VidZone padeceu incidencias na súa estrea


Vídeo no que se adiantan as posibilidades de VidZone

PUBLICIDADE