A PS4 supera os 70 millóns de unidades vendidas

xoves, 7 de decembro do 2017 Marcus Fernández

Sony Interactive Entertainment anunciou hoxe novos fitos para PlayStation 4 e PlayStation VR, plataformas de lecer electrónico que farían balance a primeiros de mes para concretar que xa se venderon 70,6 millóns de consolas PlayStation 4 e 2 millóns de unidades de PlayStation VR.
No que a videoxogos se refire a cousa tampouco quedou curta, superando a PlayStation 4 os 617,8 millóns de títulos distribuídos en todo o mundo mediante descargas dixitais na PlayStation Store, mentres que a PlayStation VR vendeu máis de 12,2 millóns de exemplares en formato físico e en dixital na PlayStation Store, confirmando a grande penetración que está a ter a realidade virtual, pese ao arriscado da proposta. De feito, confirman que actualmente hai máis de 130 títulos de software e contido en desenvolvemento para PlayStation VR.

PUBLICIDADE