A PlayStation Store dobra os descontos para os subscritores de PS Plus

A tenda dixital de PlayStation inicia hoxe unha nova promoción que consiste en dobrar os descontos que estaban a ofrecer nunha chea de xogos para PlayStation 4 para os subscritores de PlayStation Plus, o que supón ofertas moi atractivas. Por exemplo, o xogo The Witcher 3: Wild Hunt ten un prezo habitual de 29,99 euros, ofértase a 23,99 euros en dixital, e no caso de subscritores de PS Plus o prezo será de 17,99 euros.
Algunhas ofertas moi atractivas serían, por exemplo, Tomb Raider: Definitive Edition por 8,99 euros, Pro Evolution Soccer 2017 por 11,99 euros, Battlefield 4 por 4,79 euros, Far Cry 4 por 15,99 euros, Far Cry Primal por 18,39 euros, The Crew por 9,99 euros ou Need for Speed Rivals por 7,99 euros. Estas ofertas, e moitas outras, estarán vixentes até o 5 de xullo e, adicionalmente tamén está en oferta esta semana o xogo Sniper Elite 4, á venda por 29,99 euros na súa edición ordinaria e a 44,99 euros na súa edición de luxo.