A Wii terá axiña un fusil de asalto
venres, 14 de setembro do 2007
Co nome provisional de “Zapper”, a Wii contará
axiña cun controlador con feitura de fusil de asalto semellante ao que xa tiña
a NES alá pola década dos oitenta, e que xa fora presentado ó longo dos últimos
anos nas diferentes feiras de xogos. Polo de agora, non hai maiores detalles do
trebello aínda que xa se confirmou
o lanzamento para o día 19 de novembro deste ano e cun prezo que sería de máis
o menos uns 15 euros, e que será acompañado polo xogo The Legend of Zelda:
Link´s Crossbow Training, e amais deste xogo poderá ser empregado co Medal of Honor:
Heroes 2 e
Resident Evil: The Umbrella Chronicles e Ghost Squad.
Como toda novidade, o gadget non acaba de erguer a mesma emoción entre os seus seareiros e mesmo dende algúns blogs dise que este novo accesorio “non e máis que un anaco de plástico onde se pon o controlador da Wii”. Un anaco de plástico? Haberá que botarlle algo de imaxinación, non?