A Xbox One estreará novos lotes nos vindeiros meses
martes, 12 de agosto do 2014
Microsoft soubo comezar con forza a Gamescom de Colonia, con
bastantes anuncios entre os que podemos destacar que vai contar con novas
versións da súa última consola de videoxogos doméstica, a Xbox One, como o
previsible lote que incluirá o xogo FIFA
15 e que porase á venda o 25 de setembro a un prezo de 399,99 euros, ao que
o 28 de outubro unirase unha edición especial co xogo Sunset Overdrive por 399 euros que destacar por ter unha consola e
un mando en cor branca, recuperando unha estética máis propia da anterior
xeración de consolas de Microsoft.
O último lote de Xbox One que desvelaron hoxe foi a edición limitada co xogo Call of Duty: Advanced Warfere, que
sairá á venda o 3 de novembro, e que aparte de incluÃr o mencionado xogo e
presentar unha aparencia personalzada co mesmo, destaca por contar cun disco
duro de 1 Tb de capacidade (o que xustifica que o seu prezo ascenda até os 499
euros). Ningunha destas novas versións da Xbox One inclúe de serie o sensor
Kinect, dando a entender que Microsoft busca agora amosar unha oferta
comparable directamente en prezo coa consola de Sony.
Na feira de videoxogos de Colonia tamén están dar conta dunha serie
de novidades que incorporará paulatinamente a Xbox One a través de distintas
actualizacións, como unha nova sección de Amigos dende a que estar máis ao
dÃa das actividades dos nosos contactos, un Snap Center (para facilitar o salto
entre aplicacións a pantalla partida sen ter que abandonar o xogo actual),
mensaxes en fÃo (a aplicación de mensaxerÃa agrupa agora as conversas para que
sexa máis doado seguirlles o fÃo), unha nova aplicación de reprodución
multimedia (que soportará DLNA e moitos novos formatos), compatibilidade coa
sintonizadora de televisión que sairá á venda en outubro, a posibilidade de
facer streaming do sinal televisivo
para o seu goce dende smartphones e tablets a través da aplicación de
SmartGlass, a posibilidade de configurar a consola para que inicie directamente
no modo de televisión e unha nova mini-guÃa de programación que pode verse na
parte inferior da pantalla.
No que respecta aos xogos, Microsoft amosou hoxe un novo trailer
de Quantum Break con escenas
reais deste prometedor tÃtulo, adiantou
o que será a beta multixogador de Halo 5:
Guardians e presentou algún xogo entre os que destacou especialmente o
feito de que Rise
of the Tomb Raider vaia chegar no Nadal de 2015
en exclusiva para Xbox One. Que a secuela do último Tomb Raider non vaia estar dispoñible
inicialmente para PS4 e PC foi unha nova moi mal recibida polos seareiros da
franquÃa desenvolvida por Crystal Dynamics, dando a impresión de que se trata
dunha situación temporal coa que Microsoft buscarÃa contrarrestar o peso que a
franquÃa de Uncharted ten nas
consolas PlayStation.
Trailer de Rise of the Tomb Raider