A Xunta considera a ciberseguridade un dos piares da súa estratexia dixital
mércores, 18 de setembro do 2019
A responsable da polÃtica tecnolóxica da Xunta, Mar Pereira,
inaugurou esta mañá o I Congreso de ISACA en Santiago, que reúne a preto dun
cento de profesionais do ámbito da ciberseguridade, onde sinalou que a «ciberseguridade
é un elemento chave» no proceso de transformación dixital que estamos a vivir e
un dos vectores sobre os que se está a elaborar a estratexia dixital de Galicia
para a vindeira década.
Na súa intervención, Pereira sinalou que «a vida é dixital» e a seguridade e a
confianza son elementos fundamentais para que os cidadáns se desenvolvan
axeitadamente neste contexto. Lembrou aposta do Goberno galego pola ciberseguridade
cun Plan aprobado no Consello da Xunta, que se acaba de reformar para adaptarse
aos últimos cambios normativos e que tamén inclúe máis medidas e un incremento
orzamentario.
Segundo recordou a directora da Amtega este plan contempla
alianzas estratéxicas con outras entidades para mellorar e compartir
experiencias no eido da ciberseguridade. Neste sentido indicou que se está a
pechar unha nova liña de colaboración co INCIBE.