A dixitalización das empresas centra este xoves unha vídeo-conferencia de COFER
mércores, 20 de maio do 2020
A
Confederación de Empresarios de
Ferrolterra, Eume e Ortegal, COFER, en colaboración das empresas
tecnolóxicas 2KSystems e Hyliacom, celebrará este xoves 21 de maio
unha vídeo-conferencia sobre Tecnoloxías da información, na
que participarán Pablo Rivera, director técnico de 2KSystems e Hugo
Fraga, director de Hyliacom. Na sesión, que se vai desenvolver en
horario de de 19:00 a 20:00 horas, abordaranse temas de interese para
a nova orde de cousas que segue ao Estado de Alarma e para un futuro
empresarial que por obriga terá que ser máis dixitalizado: temas
como a aplicación efectiva de sistemas de teletraballo, a
ciberseguridade ou o proceso de dixitalización das empresas.
Para
máis información e inscricións podemos poñernos en contacto cos
organizadores a través do teléfono 981 333 322 ou polo correo
electrónico cofer@cofernet.com.
Respecto
das especificacións técnicas, a conexión levarase a cabo con
Microsoft Teams. Segundo indican dende COFER, inicialmente non é
necesario que esteamos rexistrados nin ter instalada a ferramenta, xa
que se pode executar directamente desde un navegador web. “En caso
de usar un dispositivo móbil habería que instalar a aplicación
gratuíta de Microsoft Teams”, engade.