A franquicia de Street Fighter chegará á PS3

venres, 19 de outubro do 2007 Marcus Fernández

O rexurdimento do clásico Bionic Commando por parte de Capcom parece estar a ser moi ben recibido por parte dos afeccionados, pero outro retorno da mesma compañía podería ensombrecer tal lanzamento, pois veñen de confirmar o desenvolvemento de Street Fighter IV, de xeito que a franquicia máis popular dos xogos de loita terá novas entregas, agora para PlayStation 3.
Capcom xa ten unha web para anunciar as novidades do mundo de Street Fighter, dende a que publicaron un vídeo promocional no que se pode ver un enfrontamento entre Ryu e Ken (dous dos protagonistas do xogo, que destacan por estar presentes en tódalas entregas do mesmo), e é de agardar que se converta nun dos títulos máis agardados, posto que non se prevé que a súa chega ó mercado sexa antes dun ano.
Para quentar motores podemos ir vendo o vídeo de presentación do futuro xogo:

PUBLICIDADE