A nVIDIA Titan RTX será a gráfica máis potente para escritorios domésticos

nVIDIA presentou as súas novas gráficas Titan RTX, que póñense en cabeza no ámbito doméstico, achegando un desempeño masivo para aplicacións creativas, análise de datos e investigación con intelixencia artificial grazas á súa nova arquitectura nVIDIA Turing, que coas novas gráficas permiten chegar até os 130 TFLOPS en deep learning e os 11 gigarays en raytracing.
A nova nVIDIA Titan RTX poderá mercarse a finais de mes por 2.699 euros, achegando 576 núcleos Tensor, 4.608 núcleos CUDA, e 24 GB de memoria GDDR6 cun largo de banda de até 672 GB/segundo, que é todo un portento de potencia gráfica capaz de ofrecer resolucións de até 8K a 60 imaxes por segundo nun único enlace, e que tamén conta con conector VirtualLink para simplificar a conexión de castos de realidade virtual. Tamén é posible empregar unha ponte NVLInk (cun largo de banda de até 100 GB/segundo) para conectar un par de tarxetas deste tipo e así poder escalar o rendemento ao gozar de 48 GB de memoria.