A presidenta de Adigital e o Club de Conselleiras fan un chamamento a prol da cultura da capacitación dixital
mércores, 7 de outubro do 2020
- A general partner de K Fund e presidenta de Adigital, Carina Szpilka
O
Club
de Conselleiras da Asociación Galega da Empresa Familiar (AGEF)
celebrou este martes un webinar coa general partner de
K Fund e presidenta de Adigital, Carina Szpilka, no que se abordou a
situación da dixitalización e a capacitación dixital, poñendo o
foco no escarnio deixado durante e despois da pandemia producida polo
COVID-19. Neste Martes de Consellos, ciclo de conferencias que
a entidade vén organizando en formato online desde o inicio
da crise sanitaria, Carina Szpilka incidiu no concepto da “empresa
resiliente”, que é, dixo, “a que está preparada para sobrevivir
e transitar ao longo das incertezas”. Engadiu que as empresas están
“obrigadas a incorporar a resiliencia aos seus modelos de negocio;
é unha das grandes reflexións que nos deixa a COVID”.
Amais,
explicou que a dixitalización “non é só unha cuestión de
tecnoloxía e de máquinas, senón que se trata de realizar un cambio
de mentalidade para incorporala ás nosas vidas”. Szpilka considera
que no mercado español “unha das principais feblezas é a
capacitación dixital”, ademais “do investimento en innovación”,
tanto a nivel público como privado. Sobre a xestión da COVID, opina
que “foi xestionada cunha mentalidade máis antiga, con ferramentas
do S. XX e non do S. XXI".
O
Club de Conselleiras da AGEF é un espazo creado en 2019 para pór en
valor o papel das mulleres nos postos directivos do tecido
empresarial de Galicia. Os seus obxectivos pasan por potenciar a
diversidade como valor de bo goberno corporativo, impulsar o liderado
feminino e promover a igualdade.
Carina
Szpilka traballou durante máis de dúas décadas dentro do sector
financeiro, onde foi directora executiva de ING Direct en Francia e
máis tarde en España. A día de hoxe adícase a impulsar a economía
dixital en España a través de K Fund, a nova firma de venture
capital dirixida a investir en proxectos de startups en fases
iniciais, e tamén a través do seu cargo como presidenta de
Adigital, a asociación que traballa para situar a España como líder
dixital a nivel mundial. Ademais, é conselleira independente de
Abanca, Grifols e Meliaì.