A semana pasada vendéronse 400.000 Wii U nos EE.UU.
luns, 26 de novembro do 2012
O vindeiro venres chega ás tendas españolas a nova consola
doméstica de Nintendo, a Wii U, e para facernos unha idea das boas vendas que
pode acadar pese á conxuntura económica actual dende EE.UU. veñen de dar conta
de que venderon
400.000 unidades da mesma, o que supón o esgotamento de existencias nunha
semana moi activa (lembremos a celebración do Black Friday) na que Nintendo vendeu un total de 1,2 millóns de
consolas (contando a Wii orixinal e as súas portátiles). Nestas últimas
sorprende ver que a Nintendo DS con 275.000 unidades vendidas continúa a
superar á Nintendo 3DS (250.000 unidades), aÃnda que parece que estamos ante
unha anécdota provocada polas grandes ofertas que afectaban ás vellas
portátiles de Nintendo (deixándoas a prezos irrisorios). De feito, o presidente
de Nintendo nos EE.UU., Reggie Fils-Aime asegura que a Nintendo 3DS está a ter
unhas vendas mellores que a DS orixinal no seu lanzamento, superando os 6
millóns de unidades vendidas nos seus primeiros 21 meses (fronte aos 5 millóns
da súa predecesora).
Dende Nintendo están a esforzarse para que a Wii U non teña os mesmos problemas
de aprovisionamento que a Wii durante o seu lanzamento, o que parece que terán
difÃcil, e poder facerse coa Wii U no perÃodo de Nadal vai ser complicado, e as
súas edicións máis atractivas (como o lote que inclúe o xogo Zombi U e o mando Pro está a ser xa
difÃcil de atopar incluso para a súa reserva).