A sustentabilidade, a innovación e a igualdade foron os protagonistas os premios Pont-Up Store
luns, 26 de setembro do 2022
No mediodía deste sábado 24 entregáronse no marco da feira Pont-Up Store de Pontevedra os premios ás mellores iniciativas empresariais desta edición. A proposta de Yowup conquistou ao xurado como mellor emprendemento e outras sete empresas foron recoñecidas dentro de cada sector. O evento reuniu e Pontevedra durante 2 días preto de 40 emprendementos e milleiros de asistentes que visitaron os stands na praza de España e participaron no extenso programa de actividades que se viñan desenvolvendo dende o pasado martes. A sustentabilidade, o liderado feminino, e as iniciativas nacidas no rural foron os eixes de actividade principais.
Premios
No
mediodía do sábado entregáronse os premios ás mellores
iniciativas empresariais desta 9ª edición do Encontro de
Emprendemento Pont-Up Store. Como cada ano, o comité organizador foi
o encargado de valorar e seleccionar as mellores iniciativas
empresariais nas diferentes modalidades.
A
empresa DairyPet, especializada en mascotas, conseguiu facerse
co premio ao mellor emprendemento, e tamén co recoñecemento como
mellor iniciativa no ámbito da alimentación e a restauración co
seu lanzamento Yowup, un innovador iogur para gatos e cans que ofrece
beneficios saudábeis con aporte de probióticos, e que foi un dos
stands máis visitados nesta edición.
No
apartado de turismo, ocio e benestar fíxose co premio a iniciativa
Skeirrrum, unha empresa dedicada a crear experiencias de
escape ao aire libre, co obxectivo de achegar aos mozos a contornas
que non adoitan frecuentar utilizando como ferramenta un xogo e o seu
smartphone.
Na
categoría de enxeñarías, consultorías e outros servizos levou o
premio Beniu Soluciones SL, que centra a súa
actividade en atender as necesidades do noso rural, empregando
técnicas de agricultura de precisión principalmente mediante
drons.
Amais,
13 Graos, unha cooperativa sen fins de lucro foi recoñecida
como proxecto destacado no ámbito da formación, a educación, a
arte e a cultura, pola súa proposta para achegar á xente ao mundo
submarino a través de ilustracións, audiovisuais, libros ou
actividades.
Na
modalidade das Tecnoloxías da Información e Comunicacións (TIC), o
xurado destacou a proposta de Digital Monster Collective, que
produce videoxogos e ofrece servizos de outsourcing para
outras empresas, facendo arte, animacións, deseño de UX/UI e
advergame, entre outros.
En
deseño de moda, complementos e decoración acadou o recoñecemento a
marca de moda Iniqual, cunha colección de xénero non
binario especializada en roupa de confort.
Amais,
o xurado do talent show enxalzou a creatividade, a innovación,
o impacto positivo e o potencial de crecemento das sete iniciativas
que presentaron o venres 23 cadanseus modelos de negocio. De feito,
entre as ideas achegadas polos expertos para a mellora destas
empresas, houbo dúas propostas de colaboración que van ser
exploradas nos próximos meses. Dunha parte, Skeirrum recibiu unha
proposta do membro do xurado, Xoán Martínez Reboredo, CEO de
Kaleido, Ideas & Logistics e presidente do Clúster da Función
Loxística de Galicia, para crear experiencias de street scape
en colaboración coa Fundación Mosteiros, coas que dar a coñecer o
importante patrimonio destes enclaves.
Pola
súa parte, outra das expertas do comité de ouvintes, Rosa María
Seoane Domínguez, xerente de Abanca Innova, apuntou unha posíbel
alianza coa cooperativa Alén para facer o mentorado en
sustentabilidade ás empresas que participan neste programa que
lidera os procesos de innovación do banco e coordina as súas liñas
de emprendemento e aceleración.
Entidades organizadoras
A feira Pont-Up Store é unha iniciativa
da UVigo e o Grupo G4 Plus, liderada polo Campus CREA de Pontevedra,
e conta co apoio da Concellaría de Promoción Económica do Concello
como patrocinador principal, e tamén co respaldo da Deputación de
Pontevedra, Abanca, Zona Franca e R, entre as máis de 50 entidades
públicas e privadas que durante estes anos foron sumándose ata
conformar un ecosistema de apoio ao emprendemento pontevedrés e
galego.
Nos labores de organización e coordinación, o
encontro conta tamén coa participación da Asociación para o
Emprendemento e Innovación Pont-Up Store.