Ábrese a inscrición á beta de MAG
martes, 15 de setembro do 2009
Os usuarios da
PlayStation 3 que queiran botar un ollo a un dos xogos multiusuario máis prometedores
para a consola de Sony, MAG, poden inscribirse na súa versión
de proba, de xeito que os
16.000 primeiros inscritos poderán xogar a esta versión de proba ata o 1 de
outubro.
Curiosamente a beta de MAG tamén terá
limitación horaria, só operando de 18:00 a 21:00 horas e de 1:00 a 4:00 horas
de luns a venres, aínda que hai que lembrar que non é unha demo do xogo final,
senón unha versión de proba na que queren comprobar as posibilidades de
enfrontar a 256 xogadores nun mesmo campo de batalla, algo sen precedente nas
consolas de videoxogos.