Ábrese a inscrición para varios torneos que se desenvolverán en ExpOtaku
mércores, 15 de abril do 2015
A sexta edición
de ExpOtaku celebrarase no recinto de EXPOCoruña entre os días 22 e 24 de
maio, e este encontro sobre o manga, o anime, a cultura xaponesa e os
videoxogos non vai limitar o lecer electrónico a unha zona de xogo libre, senón
que tamén vai desenvolver unha serie de competicións entre as que destaca o New
Reto 3DS, organizado en colaboración con Nintendo e Blogocio, e que consistirá
nun total de 6 torneos de diferentes xogos que se celebrarán a razón de 2 por
día e para os que xa está
aberta a inscrición, cun límite de 64 participantes por cada un.
Na primeira xornada poderase competir nos xogos Monster Hunter 4 Ultimate e Super
Smash Bros. Amiibo; o sábado serán Super
Smash Bros. 3DS e Zelda Majora’s Mask
os xogos nos que poderán baterse os participantes; e finalmente o último día do
evento poderase medir as forzas en Pokémon
ROZA VGC e Mario Kart 7.
Aparte da competición, dentro do New Reto 3DS tamén contarase cunha zona de
exhibición onde poderanse probar algúns dos títulos máis interesantes para as
consolas domésticas e portátiles de Nintendo.
- En ExpOtaku tamén poderanse probar algúns dos últimos xogos para as consolas de Nintendo