Acer presenta un móbil económico con Windows Phone 7.5

xoves, 27 de outubro do 2011 Marcus Fernández

Parece que os móbiles con Windows Phone 7.5 van poder gañarse un espazo no mercado grazas ao seu deseño e un prezo agresivo, que non só aplicará Nokia, senón que tamén Acer sumarase a tal tendencia co seu Acer Allegro, terminal que terá un prezo libre de 299 euros e poderá adquirirse en branco ou negro.
Este móbil funciona cun procesador Qualcomm MSM8255 a 1 GHz, pantalla LCD de 3,6 polgadas cunha resolución de 480 x 800 píxeles, 8 Gb de almacenamento interno, cámara de 5 Mpíxeles con flash LED, Bluetooth 2.1, Wi-Fi N, A-GPS, un peso de 126 gramos e batería de 1.300 mAh, que coa tecnoloxía Fast Charge pode cargarse 2,5 máis rápido que o resto de móbiles con Windows Phone segundo o seu fabricante.

PUBLICIDADE