Adidas patrocina ao streamer Ninja

Coa celebración do torneo The International de DOTA 2 salientamos que os eSports estaban a achegarse economicamente aos deportes tradicionais, e como bo exemplo diso temos agora que Tyler Blevins, máis coñecido como Ninja, convértese no primeiro xogador profesional de videoxogos en facerse cun patrocinio de Adidas, marca que quere buscar novos medios para conectar cos 2.300 millóns de xogadores que hai en todo o mundo.
A colaboración entre Adidas e Ninja xa ten un espazo web de seu, no que convidan a subscribirse a un boletín por correo electrónico e publican un vídeo promocional que en poucas horas xa se aproximou ao millón de reproducións. Temos así que Adidas comeza a tratar os deportistas electrónicos do mesmo xeito que aos deportistas tradicionais, asinado contratos de colaboración, o que xa fixeron outras marcas nos últimos meses (por exemplo, Nike deseña roupa oficial para a competición de League of Legends en China), deixando claro que as marcas queren ter un lugar nos espectáculos que captan a atención do público.