Age of Empires III volve con forzas renovadas
venres, 16 de outubro do 2020
Quince anos despois do lanzamento de Age of Empires III,
grande xogo de estratexia en tempo real de Ensemble Studios, chega Age of Empires III:
Definitive Edition, unha revisión do xogo que xa está ao alcance dos
subscritores de Xbox Game Pass para PC e Xbox Game Pass Ultimate, que tamén podemos
mercar na tenda de Windows 10 ou a
través de Steam a un prezo de 19,99 euros, e ofrece gráficos 4K con soporte
ultrapanorámico, un novo backend e emparellamento multixogador LIVE,
modelados completamente reconstruÃdos, audio regravado dos personaxes e unha
recreación dende cero das cinemáticas das campañas, ou sexa unha remasterización
que permite gozar con dignidade deste clásico en ordenadores modernos.
O xogo tamén recibe melloras na intelixencia artificial, a posibilidade de
xogar con dificultade Extrema, melloras na ferramenta de edición, unha
nova interface de usuario (permitindo que os xogadores opten pola interface
clásica), función de zoom de cámara e unha grande cantidade de novas opcións
que modernizan un xogo que non está ancorado no tempo, senón que recibe dúas
novas civilizacións (os incas e os suecos) até sumar un total de 14, polo que conta
con novidades dabondo para animar a vellos xogadores.
- Esta nova edición do xogo adaptouse a pantallas de uttra alta definición e incluso a relacións de aspecto ultrapanorámicas