Another World chega a BlackBerry

xoves, 14 de febreiro do 2013 Marcus Fernández

En 1991 chegaba a ordenadores Amiga, Atari ST, Apple II e PC o xogo de plataformas Another World, que celebrou o seu 20º aniversario cunha edición especial para iPhone e iPad, que adaptaba os seus gráficos orixinais para unha boa visualización coas altas resolucións actuais (aínda que pode mudarse entre a aparencia orixinal e a nova con só arrastrar verticalmente 2 dedos sobre a pantalla), engadía controis táctiles, 3 niveis de dificultade (o modo difícil sería o equivalente ao título orixinal), sons e efectos remasterizados e incluso textos en español, e agora sorpréndenos chegando a BlackBerry World, tenda de descargas na que está dispoñible por 4,49 euros.
Estamos ante o primeiro de moitos xogos que DotEmu achegará a BlackBerry 10, entre os que figurarán clásicos como R-Type, polo que os nostálxicos que conten cun novo smartphone de BlackBerry tamén poderán gozar de vellos xogos no seu dispositivo móbil, aínda que cuns prezos un tanto elevados.

A versión de Another World que temos en BlackBerry é a revisión que celebrou o seu 20º aniversario

PUBLICIDADE