Anuncian a data de lanzamento dos novos xogos de Pokémon para Switch
mércores, 5 de xuño do 2019
Na xornada de hoxe publicouse un
novo Direct de Nintendo centrado nos xogos Pokémon Espada e Pokémon
Escudo, dos que avanzaron detalles entre os que destaca a súa data de
lanzamento, que terá lugar o vindeiro 15 de novembro a nivel global.
Estes novos xogos para Nintendo Switch supoñen un paso moi importante para a
franquía, xa que sería a primeira vez que un título da saga principal de
Pokémon ve a luz nunha consola que non é exclusivamente portátil.
Durante o Pokémon Direct puidemos ver criaturas Pokémon inéditas, a inmensa
Área Silvestre, as Incursións Dinamax para até 4 xogadores en liña ou en modo
local e o fenómeno coñecido como Dinamax. Tamén anunciouse que durante o
lanzamento do xogo tamén estará dispoñible un lote dobre de Pokémon Espada e Pokémon Escudo que, aparte de ambos
xogos, inclúe tamén unha caixa metálica en cor dourada con espazo para dúas
tarxetas de xogo.
Vídeo íntegro do Pokémon Direct de hoxe