Código Cero - Diario Tecnolóxico de Galicia
SPIP | esqueleto | | Mapa do web | Seguir a vida do web RSS 2.0

A 7ª edición do Enreguéifate pecha o prazo de inscrición con récord de regueifas na Rede


A regueifa é unha cantiga improvisada e diso vai a sétima edición do Enreguéifate, de improvisar e así o terán que facer os inscritos a este certame, que vén de bater récord de participación, pois logo de pecharse o prazo de inscrición son un total de 56 vídeos recibidos, 47 deles na categoría escolar e 9 na xeral. Entre elas, regueifas chegadas dende todos os recunchos das catro provincias galegas (Ames, Carballo, Pontevedra, Santiago de Compostela, Teo, Vigo, Vilalba, A Coruña, Viana do Bolo, Melide, Vila de Cruces ou Dodro, entre outros municipios) que xa poden verse na canle de Youtube e na web do certame.

[ler máis]

Europe Direct A Coruña inicia o ciclo Hello, Europe! de competencias dixitais e profesionais


O centro Europe Direct A Coruña da Deputación da Coruña organiza xunto a Europe Direct Asturias (Federación Asturiana de Concejos) a iniciativa Hello, Europe!, un ciclo de formacións en liña orientadas a fortalecer as competencias da xente nova para participar das oportunidades de formación e laborais da Unión Europea. Porase o foco nas competencias dixitais.

[ler máis]

1.800 millóns de euros de multa a Apple por abuso de posición dominante


A Comisión Europea multou a Apple con máis de 1.800 millóns de euros por abusar da súa posición dominante no mercado da distribución de aplicacións de transmisión de música para usuarios de iPhone e iPad (usuarios de iOS) a través da súa App Store. En particular, a Comisión confirmou que Apple aplicou restricións aos desenvolvedores de aplicacións impedíndolles informar aos usuarios de iOS sobre servizos de subscrición de música alternativos e máis económicos dispoñibles fóra da aplicación, como denunciara Spotify en 2019 (compañía que celebra a decisión da Comisión).

[ler máis]

O Telexornal da TVG renova o seu estudio


O Telexornal Mediodía da TVG inicia hoxe as súas emisións dende o renovado Estudio 300 de San Marcos, que foi estreado co gallo do debate electoral de febreiro e o especial Eleccións 18F.

[ler máis]

Dispoñibles en formato aberto os datos do Mapa de Capacidades Dixitais de Galicia


O Centro GaiásTech vén de publicar en formato aberto os datos do Mapa de Capacidades Dixitais de Galicia, directorio de axentes tecnolóxicos de Galicia con experiencia, coñecemento e competencias dixitais, especialmente nas tecnoloxías disruptivas, ofrece información de máis de 340 entidades, arredor de 1.400 produtos e servizos e 78 tecnoloxías.

[ler máis]

A Escola Politécnica de Enxeñaría de Ferrol organiza a súa III Olimpíada Robótica o 12 de abril


A Escola Politécnica de Enxeñaría de Ferrol (EPEF) organiza en colaboración co Campus Industrial da Universidade da Coruña a súa III Olimpíada Robótica, un torneo dirixido a alumnado de ESO toda Galicia. A cita será o venres 12 de abril, de 9:30 a 14:00, no Campus Industrial de Ferrol e más no pavillón cuberto do Centro de Educación Infantil e Primaria de Esteiro. Ao longo da xornada, o alumnado participante dividirase en equipos de entre tres e seis persoas e terá que superar tres retos.

[ler máis]

A serie Ghuasapp dará o salto á TVG


O vindeiro domingo ás 22:00 a TVG vai estrear na TDT a serie Ghuasapp, comedia familiar que até o momento era exclusiva da plataforma dixital AGalega, e que agora ábrese ao grande público en horario de máxima audiencia.

[ler máis]

O programa Argos da USC premia un asistente de rehabilitación de linguaxe controlado por IA


O proxecto REDILE da USC, baseado nun asistente de rehabilitación da linguaxe teledirixida controlado por Intelixencia Artificial para a cativada, obtivo este venres 1 de marzo o premio Argos Enxeño co que se distinguen plans xurdidos de ideas de negocio agromadas no programa Argos da Área de Valorización, Transferencia e Emprendemento da Universidade de Santiago.

[ler máis]

CoruñaTech convoca un encontro para debater arredor do fenómeno Worldcoin


Worldcoin, a empresa que se dedica a obter datos biométricos de milleiros de persoas a través do escaneo do iris do seu ollo para impulsar unha economía global máis unificada e equitativa impulsada pola economía de Internet (cun emprazamento nun centro comercial coruñés) e este acontecemento xerou debate. Neste contexto varios grupos de CoruñaTech (hub de comunidades tecnolóxicas de A Coruña) como GPUL e PHPCoruña quixeron achegar un espazo de debate (open space)para charlar e opinar sobre este tema, no que calquera persoa interesada poderá participar de balde.

[ler máis]

G4Z4F4NT4SM4S de Narón e Elementals de Ourense representarán a Galicia na Gran Final Nacional da FIRST LEGO League

O reitor da Universidade da Coruña, Ricardo Cao, entregou o Primeiro Premio Ingeniera Soy ao Gañador aos e ás integrantes do equipo G4Z4F4NT4SM4S, da escola multidisciplinar Gazapo de Narón
Máis de 300 mozos e mozas de entre 4 e 16 anos participaron este sábado na décima edición da FIRST LEGO League Galicia (FLL Galicia) que se celebrou o sábado 2 de marzo no Campus Industrial de Ferrol. As presentacións dos Proxectos de Innovación realizáronse na Facultade de Humanidades e Documentación e na Escola Politécnica de Enxeñaría de Ferrol (EPEF) mentres que o Xogo do Robot disputouse no Pavillón de Esteiro. Pola súa banda, o Auditorio Municipal de Ferrol acolleu o acto de entrega de premios, xa en horario de tarde, ao que asistiron participantes, autoridades e familias. Logo dunha intensa mañá de actividade (presentacións, probas, etc) o equipo G4Z4F4NT4SM4S, da escola multidisciplinar Gazapo de Narón, acadou o Primeiro Premio Ingeniera Soy ao Gañador.

[ler máis]

SmartPEME pon o foco esta semana na ciberseguridade e na fabricación dixital


A Deputación de Pontevedra, a través do programa SmartPEME de asesoramento tecnolóxico para pemes e persoas autónomas, oferta esta semana dúas novas accións formativas enmarcadas na súa carteira de obradoiros. As actividades abordarán forma telemática cuestións relacionadas coa ciberseguridade e a fabricación dixital.

[ler máis]

Beat Saber recibirá un lote de cancións de Daft Punk


O vindeiro 7 de marzo vai chegar a Beat Saber un lote de cancións de Daft Punk, formación que casa especialmente ben con este tipo de videoxogo de ritmo con estética de neon.

[ler máis]

Elon Musk denuncia a OpenAI por traizoar a súa misión


Aínda que Elon Musk leva moito tempo desvinculado de OpenAI, semella ter moito rancor gardado contra os responsables da compañía considerada líder en intelixencia artificial a nivel mundial, e non conforme con lanzar proxectos para competir con eles e de tentar convencer ao mundo de que Tesla é unha empresa de robótica e IA (cando claramente non é así) sorprende presentando unha denuncia contra os fundadores da empresa, Sam Altman e Greg Brockman, e varias das sociedades de OpenAI, argumentando que OpenAI incumpriu os seus compromisos fundacionais ao conseguir beneficios en vez de desenvolver de xeito altruísta unha IA que beneficie á humanidade.

[ler máis]

Facebook quere desvincularse da prensa


A relación de Facebook cos medios de comunicación sempre foi complicada, pois inicialmente a plataforma social buscaba atraer aos medios de comunicacións para que compartisen e mesmo publicasen os seus contidos para conseguir o interese do público, para logo querer sacar tallada da torta publicitaria, mentres os medios querían tamén o mesmo (cobrar de Facebook por ter presenza na súa plataforma).

[ler máis]

Os obxectivos para a dixitalización da Xustiza en Galicia en 2023 cumpríronse ao 100%


O vicepresidente primeiro e conselleiro de Presidencia, Xustiza e Deportes en funcións, Diego Calvo, acompañado do director xeral de Xustiza, José Tronchoni, participou hoxe en Palencia na Conferencia Sectorial de Xustiza, onde se abordaron entre outros temas os avances na dixitalización da Administración Xeral de Xustiza. Neste marco de acción, Diego Calvo presentou o balance de Galicia cos obxectivos marcados para 2023 xa cumpridos ao 100%.

[ler máis]

Remata no Campus de Ferrol a 3ª edición do Hackathon Navantia Next Pioneers


A vicerreitora do Campus de Ferrol, Ana Ares, e o director de Navantia Ferrol, Eduardo Dobarro, acompañados polo director do Campus, Marcos Míguez, o director da Escola Politécnica de Enxeñaría de Ferrol (EPEF), Vicente Díaz Casás, e o director do I+D+i de Navantia Ferrol, Carlos Blanco, fixeron entrega este venres 1 de marzo do premio ao equipo gañador do III Hackathon Navantia Next Pioneers. Impuxéronse os integrantes do equipo Marlin.

[ler máis]

Máis de 300 mozos participan na X edición da FIRST LEGO League Galicia


O Campus Industrial de Ferrol acolle este sábado, entre as 09:00 e as 18:00, a décima edición da FIRST LEGO League Galicia, un campionato no que participan un total de 43 equipos (25 na categoría FLL Challenge, 16 na FLL Explore e 2 na FLL Discover) e máis de 300 mozos e mozas de toda Galicia. O evento, coordinado polo profesor José Antonio Becerra Permuy, poderá seguirse en directo a través da canle oficial de YouTube da FLL Galicia.

[ler máis]

A Cámara da Coruña apoiou a 180 empresas nos seus plans de transformación dixital


A Cámara da Coruña, ao abeiro da súa aposta polo impulso á innovación das empresas da área, tramitou axudas directas ao investimento e a innovación por un importe de 172.400€ das que se beneficiaron 45 empresas da área que participaron nos programas TICCámaras, Ciberseguridade e InnoCámaras.

[ler máis]

A UVigo e o CiTIUS traballan nun proxecto para optimizar a sustentabilidade dos alimentos: SOS Food


Baixo o gran desafío mundial de producir alimentos máis ecolóxicos, sustentábeis e de produción máis eficiente (alimentar o mundo con menos), púxose en marcha este venres 1 de marzo un novo proxecto de investigación a nivel europeo financiado polo Programa Marco Horizonte Europa da Comisión: SOSfood. Trátase dun consorcio no que participan 17 entidades de todo o continente baixo a dirección da Universidade de Vigo, e que conta coa destacada participación do CiTIUS da USC. Búscase pór en común as capacidades de distintos actores do sector para contribuír á sustentabilidade do sistema alimentario (agricultura, pesca e gandería) no marco do Espazo Común.

[ler máis]

O Pavillón de España en MWC bate o seu récord con máis de 10.000 visitantes presenciais e 7.000 virtuais


O Pavillón de España de Red.es, no que participou a empresa galega Galvintec (Grupo Alvariño), bateu o seu récord de asistencia marcado na anterior edición de MWC cun incremento do 25% no número de visitantes. Máis de 10.000 persoas pasaron polo espazo, concibido como “un punto de encontro para o debate e a presentación de innovacións por parte de empresas expositoras, institucións e expertos do sector tecnolóxico”.

[ler máis]


· A 7ª edición do Enreguéifate pecha o prazo de inscrición con récord de regueifas na Rede

· Europe Direct A Coruña inicia o ciclo Hello, Europe! de competencias dixitais e profesionais

· 1.800 millóns de euros de multa a Apple por abuso de posición dominante

· O Telexornal da TVG renova o seu estudio

· Dispoñibles en formato aberto os datos do Mapa de Capacidades Dixitais de Galicia

· A Escola Politécnica de Enxeñaría de Ferrol organiza a súa III Olimpíada Robótica o 12 de abril

· A serie Ghuasapp dará o salto á TVG

· O programa Argos da USC premia un asistente de rehabilitación de linguaxe controlado por IA

· CoruñaTech convoca un encontro para debater arredor do fenómeno Worldcoin

· G4Z4F4NT4SM4S de Narón e Elementals de Ourense representarán a Galicia na Gran Final Nacional da FIRST LEGO League

· SmartPEME pon o foco esta semana na ciberseguridade e na fabricación dixital

· Beat Saber recibirá un lote de cancións de Daft Punk

· Elon Musk denuncia a OpenAI por traizoar a súa misión

· Facebook quere desvincularse da prensa

· Os obxectivos para a dixitalización da Xustiza en Galicia en 2023 cumpríronse ao 100%

· Remata no Campus de Ferrol a 3ª edición do Hackathon Navantia Next Pioneers

· Máis de 300 mozos participan na X edición da FIRST LEGO League Galicia

· A Cámara da Coruña apoiou a 180 empresas nos seus plans de transformación dixital

· A UVigo e o CiTIUS traballan nun proxecto para optimizar a sustentabilidade dos alimentos: SOS Food

· O Pavillón de España en MWC bate o seu récord con máis de 10.000 visitantes presenciais e 7.000 virtuais

· O certame Cajamar UniversityHack premia á UDC co Mellor rookie

· Windows 11 permitirá empregar o noso móbil como webcam

· atlanTTic participará no XXIV Foro Tecnolóxico de Emprego

· O 14 de marzo celébrase a 3ª edición da CITIC Cyber Competition (C3TF)

· O IES Ramón Menéndez Pidal-Zalaeta acolleu unha xornada de sensibilización de Talentos Inclusivos

· O Consello da Cultura Galega dixitaliza os fondos da Unión Barcalesa

· Final Fantasy VII Rebirth chega a PS5

· Avanza o proxecto que permitirá que levemos o DNI no móbil

· OneDrive integrará Copilot en abril

· Logitech achega a comodidade do traballo no escritorio a equipos portátiles