As HoloLens 2 supoñen un grande salto para a realidade mixta
luns, 25 de febreiro do 2019
Non só smartphones e outras tecnoloxÃas móbiles poden verse
no Mobile World Congress de Barcelona, senón que certas tecnoloxÃas de futuro
tamén aproveitan o escenario para presentarse ao mundo e, moi especialmente, á
industria, e asà temos que Microsoft realizou un evento de prensa no que deron
a coñecer varios servizos de computación asociados á realidade mixta e á
intelixencia artificial a través da nube que están fortemente ligados a un novo
produto, as
HoloLens 2.
As
primeiras HoloLens chegaron en 2016, avanzando paseniño en laboratorios de
I+D como unha interesante solución para engadir información á realidade,
principalmente en contornos industriais, e nesta liña chega o seu casco de realidade
mixta sucesor, que avanzan en inmersión, comodidade e efectividade da inmersión.
No relativo á inmersión, o novo casco consegue hologramas máis brillantes e
realistas, dobrando o campo de visión fronte ao anterior modelo e ofrecendo
unha densidade holográfica de 47 pÃxeles por grao de visión. A interacción pode
realizarse agora directamente con xestos táctiles, mellorando a manipulación
directa de hologramas e incluso integrando tecnoloxÃa se seguimento de mirada
para unha interacción máis natural. Tamén incorpora recoñecemento de iris para
a identificación de múltiples usuarios dun xeito rápido e seguro.
A nivel de comodidade, o novo casco consegue un centro de gravidade máis
equilibrado, utiliza un material de fibra de carbono máis lixeiro e tamén conta
cun novo mecanismo para colocar o dispositivo sen ter que reaxustalo. Con
outras novidades consegue que utilizar o casco durante varias horas sexa moito
máis confortable.
Grazas ás aplicacións de Realidade Mixta de Microsoft como Dynamics 365 Remote
Assist, Dynamics 365 Layout e as novas aplicacións de Dynamics 365 Guides (aplicación
que permite que os empregados aprendan mentres traballan) facilÃtase a xeración
de valor dun xeito máis rápido, que xunto a un ecosistema de partners e servizos de Azure conseguen
que o uso da realidade mixta sexa cada vez máis accesible.
As HoloLens 2 estarán dispoñibles este ano a un prezo de 3.500 dólares,
comezando a súa comercialización por EE.UU., Xapón, China, Alemaña, Canadá,
Reino Unido, Irlanda, Francia, Australia e Nova Zelandia. Tamén estará dispoñible
un programa de personalización das HoloLens, que fai posible, por exemplo, o
Trimble XR 10, un novo casco de seguridade no que poden equiparse as HoloLens 2
para poder acceder a información holográfica dende postos de traballo onde o casco
é preciso.
VÃdeo de presentación das HoloLens 2