Assassin’s Creed 2 chegará ao PC en marzo
mércores, 27 de xaneiro do 2010
Ubisoft anunciou
que o xogo Assasin’s
Creed 2 sairá á venda para PC en Europa o vindeiro 4 de
marzo, pero a demora da versión para ordenador deste xogo que en
novembro chegou á PS3 e á Xbox 360 verase compensada coa incorporación
de balde dun par de contidos descargables que son de pagamento para os usuarios
de consola. O xogo venderase tanto na edición Director’s Cut como na limitada Black
Edition.
O xogo precisa para funcionar un equipo con Windows XP/Vista/7 de 32 ou 64
bits, cun procesador Intel Core 2 Duo a 1,8 Gb ou AMD Athlon X2 64 a 2,4 GHz,
1,5 Gb de RAM (en XP) ou 2 Gb de RAM (baixo Vista ou 7), tarxeta gráfica con
256 Mb e compatible con DirectX 9 con Shader Model 3.0, tarxeta de son
compatible con DirectX, lector de DVD e 8 Gb de espazo de disco duro libre.
