Assassin’s Creed IV: Black Flag sairá á venda en 2 semanas
martes, 15 de outubro do 2013
A só
dúas semanas da chegada ás tendas das versión para Xbox 360, PlayStation 3 e
Wii U do xogo Assassin’s Creed IV: Black
Flag, Ubisoft
estrea versión en español dun trailer do xogo no que se amosan os motivos
que levaron a Edward Kenway a pasar de ser un pirata a converterse nun asasino,
aventura que permitirá que aparte dun xogo de intriga e conspiracións, poidamos
tamén movernos nun mundo no que buscar tesouros e realizar batallas navais no
que promete ser unha intensa entrega desta saga.
O dÃa 29 será cando o xogo vexa a luz nas actuais consolas domésticas, para
estrearse nas súas versión de PC, PlayStation 4 e Xbox One o vindeiro 22 de
novembro, data que pode resultar un tanto sorprendente por coincidir coa
chegada da Xbox One, pero ser unha semana antes da posta á venda da PlayStation
4.
Dende Ubisoft tamén detallan que unha
das grandes novidades do xogo será que experimentaremos progreso durante o
mesmo, precisamente polo mencionado feito de que o protagonista comezará
sendo un pirata, de xeito que as súas habilidades de asasino irán evolucionando
co paso do tempo. Incluso o barco pirata terá que ir equipándose para poder baterse
con navÃos inicialmente superiores, melloras que iranse producindo dun xeito
natural e divertido, levando este tipo de avance a un nivel superior ás
anteriores entregas da saga.
Novo trailer de Assassin’s Creed IV: Black Flag