Assassin’s Creed Odyssey estrea modo educativo

mércores, 11 de setembro do 2019 Marcus Fernández

Durante anos comentábase o bo que era para estudantes xogar á saga Assassin’s Creed como un xeito de coñecer recantos da antigüidade, o que en Assassin’s Creed Origins traduciuse nun modo educativo que facilitaba descubrir detalles do Antigo Exipto, e agora Assassin’s Creed Odyssey recibe o mesmo tratamento e estréase Discovery Tour: Ancient Greece.
A nova creación de Ubisoft permítenos pasear polas rúas de Atenas, explorar a vida diaria dos seus habitantes e falar de política con Sócrates e Pericles. Poderemos explorar esta meticulosa creación da Antiga Grecia coma se fose un museo vivo, sen os conflitos e limitacións do xogo, centrándose na exploración e o coñecemento.
Este novo Discovery Tour inclúe 30 visitas con audio-guía, permite explorar a Antiga Grecia de xeito libre ou mediante visitas seleccionadas, e pode gozarse de balde por parte de calquera usuarios de Assassin’s Creed Odyssey ou mercarse por separado para PC a través de Uplay (cun prezo de lanzamento de só 5 euros), sendo esta última opción a ideal para centros de ensino.

No Discovery Tour podemos explorar a vida diara da Antiga Grecia
A nova creación de Ubisoft tamén permítenos un maior coñecemento da mitoloxía grega

Vídeo de presentación do novo Discovery Tour

PUBLICIDADE