Auriculares con reprodutor musical incorporado

luns, 27 de abril do 2009 Marcus Fernández

O mercado coreano vén de recibir uns orixinais auriculares ANTARES KPMP316 que resultan ser un completo reprodutor multimedia con soporte de ficheiros MP3 e WMA cunha memoria de 1, 2 ou 4 Gb, batería recargable cunha capacidade de 190mAh, unhas dimensións de 43 x 19 x 10 milímetros e un peso de 18 gramos, que están dispoñibles en varias cores (amarelo, verde, laranxa, azul, púrpura e negro).
Pese ao seu reducido tamaño, este reprodutor conta con control de volume, botóns de reprodución/pausa/acendido e adiantar/retroceder, así coma un porto miniUSB.

O reprodutor de MP3 véndese en distintas cores

PUBLICIDADE