Axóuxere Games relanza o seu segundo videoxogo para Android

venres, 11 de abril do 2014 Marcus Fernández

O estudio galego de videoxogos Axóuxere Games estreara en xuño de 2012 o seu segundo xogo, Shuriken Training, dispoñible de balde para Android, e agora decidiu recuperalo nunha versión mellorada que responden ao nome de Shuriken Traing HD, que presenta melloras no seu motor gráfico, movementos e xogabilidade, converténdose nun xogo máis divertido e completo grazas á experiencia que foron adquirindo os seus creadores, Adrián Rodríguez e Antonio Gundín (que desta volta contaron coa colaboración de Jesús Iglesias, Chimo Echeverría e José Antonio González).
A nova versión do xogo pode descargarse de balde de Google Play, existindo tamén unha versión Plus que custa 0,50 euros e que diferénciase da anterior por carecer de publicidade.
O xogo conta con 100 niveis para superar, 10 shurikens desbloqueables con distintas características, múltiples logros a superar... e incluso funcións sociais, de xeito que podemos retar aos nosos amigos con rankings por fases ou co total de puntos acumulados nos adestramentos para converterse no mellor ninja da historia.
Como vén a ser habitual nos títulos de Axóuxere Games, o xogo está dispoñible en inglés, español e galego.


Vídeo promocional de Shuriken Training HD

PUBLICIDADE