Base para engadir gravadora de DVD a ordenadores ultraportátiles

xoves, 30 de abril do 2009 Marcus Fernández

Para reducir o consumo, o tamaño e o peso, os ordenadores ultraportátiles de baixo custo carecen de unidade de DVD, o que pode ser un problema á hora de instalar sistemas operativos ou realizar copias de seguridade, de aí que a empresa nipona Century comezase a comercializar unha base para este tipo de equipos que integra unha gravadora de DVD.
Esta base mide 26 x 19 x 1,9 centímetros, pesa 524 gramos e inclúe 2 portos USB. É compatible con Windows XP e Vista e polo momento está á venda no Xapón por 9.980 iens (76,65 euros).

PUBLICIDADE