Bilbao acollerá o Primeiro Encontro de Gaymers, Boardgaymers e Frikicuriosos
xoves, 3 de marzo do 2016
O sector dos videoxogos é cada dÃa máis amplo, de aà que xurdan
grupos reivindicando a súa identidade no seu seo, e ao igual que hai xogadoras
que queren salientar que as mozas tamén
xogan, existen persoas do colectivo LGTB+ que tamén fan o propio,
encadrándose normalmente baixo o alcume de gaymers,
e no caso español parece que van conseguir certa visibilidade xa que o vindeiro
2 de abril van celebrar unha xornada en Bilbao que responde ao nome de I
Encontro de Gaymers, Boardgaymer e Frikicuriosos, que nas redes sociais
tecerá a súa conversa co cancelo #MaricCon2016.
Este evento convocado pola asociación e comunidade Gaymer.es consistirá nun
espazo de xogo (videoxogos e xogos de mesa) que desenvolverase de 17:00 a 21:00
horas no Bilborock, estando aberto ao público, para facilitar asà o networking entre individuos con
intereses comúns, que tras o peche da ludoteca poderán despedir o encontro
cunha ruta por locais de ambiente do casto vello de Bilbao.
O encontro promove o contacto presencial, fuxindo das cada vez máis populares
aplicacións móbiles de citas (que dificultan coñecer realmente a outras persoas
e a outros membros do colectivo LGTB+) e buscará reivindicar a súa temática a
través dunha pequena exposición de videoxogos
queer de desenvolvedores independentes, que traten dun xeito único as
temáticas de identidade sexual. Tamén realizarase unha selección especial de
xogos de mesa que fomenten a colaboración, comunicación e expresión dos
xogadores.