Capcom recupera os xogos de recreativa de Dungeons & Dragons
mércores, 19 de xuño do 2013
Capcom en colaboración con Wizards of the Coast vén de
recuperar un par de xogos dos que moitos seareiros de Dungeons & Dragons gardan bo recordo, o clásicos de recreativa Dungeons & Dragons: Tower of Doom e
a súa secuela Dungeons & Dragons:
Shadow over Mystara, recompilados con gráficos adaptados para a alta
definición baixo o tÃtulo de Dungeons
& Dragons: Chronicles of Mystara, recuperando este estilo de xogo de
rol de acción con desprazamento lateral que permite xuntar ata a 4 usuarios á
vez (tanto en local como en liña) que poderán cooperar para derrotar aos moitos
e variados inimigos que aparecen en pantalla.
D&D: Chronicles of Mystara pode
adquirirse xa en
formato descargable para Xbox 360, PlayStation
3 e PC (Steam), a
un prezo de 1.200 Microsoft Points, 14,99 e 13,99 euros respectivamente,
contando con versión de demostración nos 3 casos e agardando que máis adiante
goce tamén dunha versión para Wii U.
Trailer de lanzamento de Dungeons & Dragons: Chronicles of Mystara
- O xogo permite que xoguen á vez ata 4 xogadores (en local ou en liña)
