Casio comercializa unha cámara para selfies con forma de caixa de pos de maquillaxe
venres, 13 de outubro do 2017
A moda dos selfies
levou a moitos fabricantes a coidar cada vez máis a cámara frontal dos seus
smartphones, pero algúns van un paso máis aló e ousan lanzar produtos dirixidos
expresamente aos autorretratos con efecto beleza, como a nova cámara TR-M11 de
Casio, que este mes ponse á venda en distintos mercados, e que ten un
formato moi curioso, xa que semella unha caixa de pos de maquillaxe, na que está integrada
unha cámara de 10,5 MpÃxeles apoiada por 8 LED ao seu redor e cunha
pantalla TFT táctil de 2,5 polgadas, que pode empregarse para disparar
fotografÃas e gravar vÃdeo empregando distintos efectos de iluminación e
efectos de beleza para despois
compartir as imaxes nas redes sociais.
Este trebello con forma redonda está orientado á captura de contidos cadrados,
buscando asà que sexa máis doado compartilos nas plataformas sociais máis
populares (como Instagram). Esta cámara de Casio tamén aplica numerosos filtros
para axustar tons de pel, brillo facial... ou sexa, os tÃpicos efectos de maquillaxe dixital que fan que os
retratos encaixen mellor nos canons de beleza establecidos pola industria da
moda. Para compartir os contidos nas redes sociais a cámara pode xestionarse a
través dunha aplicación móbil que transfire as imaxes captadas directamente ao
teléfono, contando tamén a aplicación EXILIM Connect coa posibilidade de
previsualizar en vivo a imaxes da cámara para poder ter unha mellor vista das
fotografÃas antes de tomalas que dende a reducida pantalla da TR-M11.
Esta curiosa cámara véndese con carcasas en 5 cores distintas en China, Hong
Kong, Singapur e Taiwán por un prezo que supera os 420 euros, o que lévanos a
entender que será moi difÃcil que chegue a comercializarse en Europa.
- A curiosa cámara integra un anel de LED con distintas configuracións para axudar a disparar mellores selfies
VÃdeo promocional da cámara TR-M11 de Casio