Chega a credencial dixital do peregrino, que permitirá selar a Compostela mediante códigos QR
mércores, 26 de maio do 2021
Os peregrinos poderán
certificar a súa peregrinación e obter a Compostela mediante o
escaneo de códigos QR, logo
de que o Centro Internacional de Acollida ao Peregrino anunciara a
activación da Credencial Dixital do Peregrino. Estra aplicación
móbil permitirá aos camiñantes portar no seu dispositivo
electrónico a súa credencial do Camiño de Santiago.
A presentación desenvolveuse
nun acto no que acudiron a directora de Turismo de Galicia, Nava
Castro, o director da Fundación Catedral, Daniel Lorenzo e o
delegado de peregrinación da Catedral de Santiago, Segundo Pérez.
“Esta iniciativa encádrase no proceso de dixitalización e
implantación dun camiño seguro”, afirmou Castro.
Segundo fixeron saber, a
credencial dixital nace como un elemento complementario, e non
substitúe á credencial tradicional, co obxectivo de mellorar a
experiencia da peregrinación e axilizar os trámites.
A aplicación está dispoñíbel
para a súa descarga nos dispositivos Android e iOS
e en diferentes idiomas, que permite coñecer con antelación o fluxo
de camiñantes que chega á Oficina do Peregrino, co fin de aumentar
a velocidade e mellorar a atención dos
viaxeiros que se dan
cita para selar a Compostela.
Esta ferramenta enmárcase no
proceso de dixitalización que a Oficina do Peregrino está a levar a
cabo. A credencial dixital súmase así a un sistema de rexistro
online que permite que o peregrino introduza con antelación os datos
necesarios para a obtención da Compostela, evitando a manipulación
de papel.