Chega a móbiles Snake Rewind, o sucesor do clásico xogo da serpe
mércores, 13 de maio do 2015
O desenvolvedor orixinal do popular xogo da serpe que tiñan
os clásicos móbiles de Nokia, Taneli Armanto, colaborou con Rumilus Design para
devolver á vida o seu xogo renovado baixo o tÃtulo Snake
Rewind, que permite continuar o xogo tras os choques, inclúe diferentes
tipos de froitas especiais con poderes únicos e efectos, 10 niveis con distinta
estética e música, unha tenda de froita onde desbloquear elementos que poden
actualizarse e mercarse coa froita que recollemos durante as partidas, con
marcadores en liña para competir con outros xogadores. E para rematar a
diversión, tamén propón encher a pantalla completa coa serpe para descubrir o
que acontece entón.
Este xogo móbil está xa dispoñible de
balde para iOS, para
Android e para
Windows Phone 7.5 ou superior, incluÃndo compras dentro da aplicación (que
consiste na compra de froita para empregar na tenda do xogo).
- Snake Rewind recupera o xogo da serpe en iOS, Android e Windows Phone