Chega ás tendas TRON: Evolution
xoves, 2 de decembro do 2010
O vindeiro
dÃa 17 chega ás salas cinematográficas a pelÃcula TRON: Legacy, a secuela da clásica TRON que en 1982 convertérase en todo un referente da ciencia
ficción ao contar as aventuras dun deseñador de videoxogos que quedara
virtualmente atrapado na súa obra, e para encher o oco entre ambos filmes temos
o videoxogo TRON: Evolution, dispoñible dende hoxe
para PlayStation 3, PlayStation 3 e PC (a versión para Xbox 360 demorarase
ata a semana que vén, mentres que para as consolas de Nintendo existe unha
versión totalmente distinta do xogo) e que narra unha serie de catastróficos
eventos que terán unha influencia fundamental no argumento da pelÃcula a través
do personaxe Anon, un programa desenvolvido por Kevin Flynn para investigar unha
conspiración no mundo de TRON.
Este tÃtulo de Propaganda Games conseguiu replicar a atmosfera do filme e
transcorre no mundo dixital que recrea a pelÃcula orixinal, no que programas
informáticos actúan coma persoas, o que abre a porta á participación en duelos
con discos ou carreiras con motos de luz que impresionarán aos usuarios que
coñezan a pelÃcula orixinal.
TRON: Evolution sae a un prezo de
venda estimado de 69,99 euros na súa versión par aPS3, mentres que para PSP e
PC o seu prezo é de só 29,99 euros. Cómpre destacar que a versión para PS3 foi
desenvolvida en 2D e 3D e é compatible con PlayStation Move.
- En TRON: Evolution poderemos participar en duelos de discos
- Durante o transcurso do xogo investigaremos unha conspiración no mundo de TRON