Comezan as rebaixas de verán na PS Store

Tras o comezo das rebaixas de verán no Bazar de Xbox LIVE, hoxe tócalle a Sony estrear as ofertas apocalípticas que durarán ata o 17 de xullo na PlayStation Store e incluirán descontos de ata o 50% (incluíndo un desconto adicional do 10% para os subscritores de PlayStation Plus) e que afectaría a xogos como Tokyo Jungle (que pasa de custar 12,99 euros a venderse por 9,99 euros), MotorStorm Apocalypse (de 14,99 a 7,49 euros) e Dead Space 3 (de 69,99 a 29,99 euros).
Entre o resto de títulos ofertados estes días figuran I Am Alive (de 14,99 a 7,99 euros), Quantum Theory (de 29,99 a 12,99 euros), DOOM BFG Edition (de 39,99 a 21,99 euros), Far Cry 3: Blood Dragon (de 14,99 a 11,25 euros), Dead Nation (de 12,99 a 6,49 euros) e Oddworld: Stranger Box (de 17,99 a 12,99 euros), entre outros.