Concentrador USB con lector de tarxetas de memoria para PS3

xoves, 3 de xullo do 2008 Marcus Fernández

Para tirar máis proveito do porto USB da PlayStation 3, Myko comeza a vender o Media Hub+, un concentrador USB que permite engadir 3 portos USB á consola (moi útil para cargar mandos, conectar varios periféricos coma guitarras ou baterías ou, simplemente, para conectar memorias USB) e mesmo inclúe un lector de tarxetas de memoria SD e Memory Stick.
O deseño deste concentrador USB está pensado para non desentoar coa liña da PS3, se alimenta directamente a través do USB e funciona coa consola tanto en vertical coma en horizontal.
O Media Hub+ de Nyko chegará ás tendas en agosto a un prezo estimado de 19,99 dólares, e resultará especialmente interesante para os usuarios que adquirisen un dos modelos económicos da PS3 que non inclúe lector de tarxetas de memoria nin varios portos USB.

PUBLICIDADE