Confirman o peche da revista EDGE en España
luns, 20 de abril do 2009
Hai preto dun mes
comentabamos a posibilidade
de que a edición española da revista EDGE botase o peche en España,
seguindo os pasos de SuperJuegos Xtreme, e finalmente confirmáronse as
sospeitas, e nos foros da publicación os seus responsables anuncian
que a editorial Globus abandona esta cabeceira ante a perda de anunciantes
e o incremento de cotas da editorial propietaria dos dereitos de EDGE, de xeito
que a revista que xa superou os 200 números no Reino Unido quedou con só 36
dentro das nosas fronteiras, o que supón unha mala nova para os afeccionados
aos videoxogos, que ven cómo a metade das revistas de videoxogos
multiplataforma presentes no mercado español desaparece no que vai de ano,
quedando só a veterana Hobby Consolas e a nova Marca Player.
Resulta curioso que entren en crise os medios impresos sobre videoxogos, sector
do lecer que están en constante aumento, superando xa ao cine e á música xuntos
no seu volume económico, pero parece que a situación do sector vén do cambio de
hábitos dos usuarios, que cada dÃa buscan máis información na web en vez de na
prensa, de aà que as revistas especializadas estean en perigo de extinción en
España, mentres que nos EE.UU. a revista
Game Informer fose capaz de chegar ao posto 12º das listaxes de vendas,
superando a Time, TV Guide, Cosmopolitan, Playboy e Maxim. ¿Un exemplo a
seguir?.