Coremain dará apoio os usuarios de sistemas de información do SERGAS

luns, 2 de decembro do 2019 Redacción

A empresa tecnolóxica Coremain, con sede principal en Santiago, resultou adxudicataria do proxecto de soporte aos profesionais que utilizan os sistemas de información da Consellería de Sanidade - SERGAS das provincias da Coruña e Lugo. Isto significa que o equipo da firma TIC dará apoio presencial aos profesionais dos centros sanitarios, áreas administrativas e de saúde pública nos procesos de soporte e xestión do cambio, e achegando ademais formación específica e personalizada.
Ademais, os profesionais de Coremain encargaranse de asegurar a estabilidade e o funcionamento das plataformas corporativas, de minimizar a posibilidade de incidencias a través da execución de actividades preventivas e programadas nos centros e de atender as solicitudes realizadas polos usuarios nas asistencias in situ e dando soporte en coordinación cos distintos Help Desk existentes.

PUBLICIDADE