DC Universe Online chegará a Xbox One en primavera
martes, 12 de xaneiro do 2016
O xogo
DC Universe Online está a celebrar o
seu quinto aniversario con numerosas actividades, pero tamén aproveitan este
momento doce para anunciar que en
primavera o xogo vai contar con versión para Xbox One, o que ampliará
considerablemente o número de xogadores que poderÃan gozar universo en liña no
que heroes e viláns combaten por coñecidas localizacións do Universo DC como as
cidades de Metrópolis e Gotham ou a illa de Themyscira.
Outro importante anuncio para este tÃtulo masivo multi-xogador é que a partires
da última semana deste mes vai activarse o crossplay,
o que permitirá que os xogadores de PC e PlayStation 4 poidan participar
simultaneamente na mesma partida.
Para os seguidores do Universo DC en televisión o mes que vén tamén haberá
contidos interesantes en DC Universe
Online, xa que estrearase o seu episodio 21, que será unha historia de
Hawkgirl, Hawkman, Captain Cold e Atom para celebrar a estrea da serie Legends of Tomorrow (spin-off de Arrow e The Flash). Tamén
se publicarán nosas historias que involucran a Superman, Darkseid e Harley
Quinn, entre outros, polo que o xogo vai verse moi enriquecido durante os
vindeiros meses, deixando claro que está lonxe do esquecemento por parte dos
seus responsables.