Darksiders: Wrath of War sairá en 2009

venres, 11 de abril do 2008 Marcus Fernández

Os usuarios de consolas de alta definición que gusten dos xogos de acción ao máis puro estilo de God of War ou Devil May Cry recibirán de moi bo grado o anuncio de Darksiders: Wrath of War, o novo título de THQ que sairá en 2009 para Xbox 360 e PlayStation 3.
Polo momento só se puideron ver algunhas imaxes do acabado gráfico do xogo e un teaser para ir creando expectación. Os deseños prometen moito, pois corren da man do debuxante de comics Joe Madureira, que traballou para series coma X-Men, Battle Chasers ou The Ultimates, quen tamén é un recoñecido fanático aos videoxogos, polo que se agarda que a súa paixón se reflicta no acabado deste xogo que nos sitúa nun mundo post-apocalíptico no que encarnamos a War (Guerra), un dos 4 xinetes do Apocalipse, que empregará distintas armas e amosará habilidades sobrenaturais durante o avance da historia que promete moita violencia.


Teaser de Darksiders: Wrath of War

PUBLICIDADE